in

بحلاوة سهلة

المقادير :

– صينية فرن 25 في 25 سم
– 500غ دقيق
– 500 غ كوكاو محمص و مرحي(فول سوداني)
– 1 كأس نصفه مارغرين ذائبة و نصفه زيت
– 1 حبة بيض
– ماء الزهر
– ملح
– النشاء
– سكر
– قرفة
– سمن ذائب
– حبات كوكاو للتزيين

  طريقة التحضير:

نخلط الفرينة مع الملح ثم نضيف كأس الزيت مع المارغرين نواصل الخلط بأصابع اليد فقط

نضيف حبة البيض و ماء الزهر نواصل الخلط حتى نتحصل على عجين أملس

نقسم العجين على قسمين و كل قسم نقسمه على 6 اجزاء

نشكل كل جزء على شكل كرة و نضع كل 6 اجزاء في كيس بلاستيكي و نترك العجين يرتاح لأطول مدة ممكنة

نضيف للكوكاو كيلة من السكر و قليل من القرفة و نخلطهم دون عجن مع بعض جيدا

نضيف له ماء الزهر قليلا و نتركه يرتاح

نرش النشاء على طاولة العمل و على كرة العجين و نفتحها باستخدام الحلال ثم ندهنها بكمية جيدة من النشاء و نفتح باقي الستة أجزاء بنفس الطريقة ندهنهم بالنشاء و نضعهم فوق بعضهم و نفتحهم بالحلال مع بعض

نلوي العجين على الحلال و نضعها في صينية الفرن مدهونة بالسمن الذائب

نسوي العجين جيدا في الصينية ثم نفرغ فيها الحشو و نقوم بتسويته على سمك واحد

نقوم بنفس العملية مع باقي الستة اجزاء المتبقية من العجين و نغطي بيها الحشو ثم ننزع الاطراف الزائدة

باستخدام سكين نقطع حبات البقلاوة و من الاحسن استعمال اي وسيلة تضمن تقطيع الحبات بنفس الحجم

نضع فوق كل حبة بقلاوة حبة كوكاو و نفرغ السمن الذائب فوقها

نشغل الفرن على حرارة متوسطة 170 درجة و نشعله من الاسفل فقط حتى تحمر اطراف البقلاوة ثم نشعله من الاعلى على حرارة متوسطة و نترك البقلاوة حتى  تنضج
بعد ما تنضج و هي ساخنة نفرغ عليها عسيلة باردة
ثم نتركها تتشرب لليلة كاملة من الافضل قبل نزعها من الصينية
شهية طيبة

ما رأيك في الوصفة؟

كرات اللحم المفروم بالبصل

مثلجات الزبادي بنكهة الفراولة