“بينيي” بحشوة الكريمة

من admin
المكونات:

300غ دقيق
بيضه
50غ سكر
50غ زبدة طرية
نصف م ك خميرة خبز
نصف م ص ملح
فانيليا
حليب دافئ

كريمة الباتيسار ومكوناتها:

كوب حليب
2صفار بيض
رشه ملح
30غ سكر
30غ نشاء
فانيليا
قشر ليمون
نحتاج ايضا لقليل من الكريم شونتيي نكونو خفقناه مع حليب او ماء
الطريقة:

في كاس نحط الخميىرة مع نفس كمية من السكر وقليل من الحليب الدافي ونحرك ونخليهم يتفاعلو
في ايناء نحط الدقيق والسكر والبيضه المخفوقه والفانيليا وخليط الخميرة نحرك ونبدا نضيف الحليب بالتدريج ونضيف الملح ونلم حتى الحصول على عجين لاصق نوعا ما ندلكو مليح حتى يرطاب نضيف الزبده ونحاول ندخلها بالعجن حتى تتجانس نحط العجين في ايناء مدهون ونغطيه ونخليه يخمر جيدا
من بعد نزل الخمول ونبسطها بالحلال على قليل من الفرينه على سمك متوسط ونقططع دواير ونخليهم يعاودو يخمرو ونقليهم في زيت ساخن على نار قليله كميه الزيت ماتكونش كثيرة وماتكونش قليله مايخذوش وقت كبير ننزعهم ونحطهم على ورق ماص حتى يبردو
نحضر الكريمه ..نسخن الحليب ونخفق الصفار مع السكر والفانيليا حتى يبياضو نزيد النشاء وقشر الليمون ونفرغ لحليب الساخن ونحرك مليح نرجع عالنار مع التحريك حتى تغلي نخليها تبرد مليح نخفقها بالخلاط الكهربائي حتى تتحل ونزيد القليل من الكريم شونتي حسب الرغبه ونكمل نخفق حتى نتحصل على كريمه خفيفه نحطها في كيس حلواني
نقسم الحبات على 2 ونحشي بالكريمه
شهية طيبة

ربما يعجبك أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. قبول إقرأ المزيد

سياسة الخصوصية وملفات تعريف الارتباط