طريقة تحضير سلطة الجمبري مع الذرة الحلوة

من admin
سلطة الجمبري والذرة

المقادير:

– نصف كيلو جمبرى متوسط او كبير+ربع كيلو جمبري صغيرمقشر و نضيف +علبة صغيرة ذرة حلوة +ورقة كرفس للتزيين+حبة فلفل احمر مقطعة كريهات صغيرة
– حوالى كوباية خس كابوتشا او خس عادى مبشور و متصفى من المية تماما
– نصف كوباية جزر مبشور نصف كوباية كرافس نصف كوباية كرات نصف كوباية بصل مقطع شرايح ملح فلفل حب ورقة لورة حبهان لتر ماء.

الصوص :

– 2ملقعة كبيرة كاتشب 2 ملعقة كبيرة مايونيز ربع كوباية عصير برتقان ملح و فلفل ملعقة كبيرة سكر بودرة .

الطريقة :

– نجيب لتر ماء فى حلة و نضع فيه كل المقادير اللى فاتت ما عدا الخس نضع الكرات و الكرفس و البصل و الجزر و الملح و الفلفل الحب و الحبهان وورق اللورة و لما يغلة نضع الجمبرى لمدة 4 او 5 دقايق بالكتير علشان نسلقه و نصفيه من الشوربة فى ماء مثلج علشان نوقف عملية سلق الجمبرى علشان مايشدش معانا بعد كدة و نرفعه بسرعة و نتبله بملح و فلفل و عصير ليمون و كمون.
نيجي للصوص بقى نضع المايونيز مع الكاتشب مع البرتقال مع سكر البوردة مع الملح و الفلفل و نقلبهم مع بعض الى ان يتجانسوا و نجيب الخس المبشور نضعه فى طبق التقديم و بعد تصفيه الجمبرى من الماء المثلج و تتبيله نضعه فوق الخس المبشور وفي الوسط نضع كمية الجمبري الصغير بعد خلطه بالصوص مع الذرة الحلوة والبقدونس والفلفل الاحمر ثم نضيف عليه الصوص و يزين بورقة الكرفس من فوق
شهية طيبة

 

ربما يعجبك أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. قبول إقرأ المزيد

سياسة الخصوصية وملفات تعريف الارتباط