طريقة تحضير غريبة بجوز الهند

من admin
طريقة تحضير غريبة بجوز الهند

المكونات:

  • زلافة متوسطة بيض انا خدات ليا ست بيضات صغار
  • زلافة سنيدة
  • زلافة سميدة رقيقة
  • كاس عنبة زيت
  • ١خمارة حمرا
  • و 3زلايف كوك
  • قشرة حامضة محكوكة
  • والسكر كلاصي سبيسيال للتفناد

الطريقة:

غنبداو على بركة الله نخلطو البيض والسنيدة انا وليت مؤخرا كنخلط البيض والسنيدة والزيت فمولينكس كنت سمعتها من واحد اختصاصية فالحلويات فالراديو قالت لك هاد الطريقة كتعطينا نتيجة افضل فالغريبات
لمهم ملي كيتخلطو نزيد الزيت ونكمل نخدمهم مزيان ثم كنكبو الخليط فجبانية ونزيد عليه السميدة والكوك والخمارة وهنا نوعية الكوك كتحكم واش نديروه كامل او نقصو لقليل من الزلافة التالتة يعني الزلافة الاخيرة كنزيدو غي بلقياس وكنشوفو خص الخليك ايكون متماسك ولكن مرخوف مزيان محيت الا كان قاسح مكتشققش وكتجي بحال حجرة ويلا كان مرخوف بزاف كتسيح لينا
فهاد المرحلة مهمة جدا فانجاح الوصفة
كندهنو يدينا بالزيت ونبداو نكورو كويرات ونفندهم فالسكر
ونغطيهم مزيان بالسكر من لفوق ونحطهم فلاطة مفرشة بلبابيي سيلفرزي
كنسخنو لفران مزيان من فوق وتحت عاد كندخلها للفران على حرارة متوسطة وندير اللاطة لفوق حتى كتشقق عاد نهبطها شوية لتحت باش تتحمر لقاعدة
انا بحكم عندي لفرفارة غي كتشقق كنلقاها تقريبا تحمرات من تخت
وكنحديو معاها باش متتحمرش بزاف باش متيبش
كنتمنى تكون المراحل واضحة والتفاصيل اللي ذكرت تفيدكم ان شاء الله فالحصول على نتيجة مرضية

 

ربما يعجبك أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. قبول إقرأ المزيد

سياسة الخصوصية وملفات تعريف الارتباط